BAKI, AzerVoice, Nailə Babazadə
İran İslam Respublikasının xarici işlər naziri Qazaxıstanın Respublika Günü münasibətilə təbriklərini çatdırıb.
AzerVoice xəbər verir ki, Abbas Əraqçi Qazaxıstanın xarici işlər naziri Yermek Koşerbayevə göndərdiyi məktubda dost və qardaş Qazaxıstan hökuməti və xalqını bu milli bayram münasibətilə səmimi qəlbdən təbrik edib.
O, iki ölkə arasında dostluq münasibətlərinin və ikitərəfli əməkdaşlığın bütün sahələrdə daha da genişlənəcəyinə ümidvar olduğunu bildirib.
Qeyd edək ki, Qazaxıstanın Respublika Günü hər il 25 oktyabr tarixində qeyd olunur.