BAKI,VOA,Yusif Şərifzadə
Böyük Britaniya bəzi Körfəz ölkələri, o cümlədən Birləşmiş Ərəb Əmirlikləri, Qətər və Küveyt üçün səyahət tövsiyələrini yumşaldıb.
VOA xəbər verir ki, bu barədə Britaniyanın Xarici İşlər Nazirliyi məlumat yayıb.
Qurum artıq bu ölkələrə “zəruri olmayan səfərlərdən çəkinin” xəbərdarlığını ləğv edib.
Qeyd olunur ki, bu qərar regionla bağlı əvvəlki təhlükəsizlik qiymətləndirməsinin yenilənməsi nəticəsində qəbul olunub.
Böyük Britaniya mart ayında münaqişənin başlanmasından sonra bu bölgəyə səyahətlə bağlı xəbərdarlıq etmişdi.
Yenilənmiş tövsiyədə ABŞ–İran müvəqqəti razılaşmasına da istinad edilib.
Bununla belə, Xarici İşlər Nazirliyi vəziyyətin hələ də qeyri-sabit olduğunu bildirib.
Qurumun açıqlamasına görə, regionda hücumların yenidən baş vermə ehtimalı qalır.