BAKI,AzerVoice, Fərid Mikayılov
ABŞ prezidenti xüsusi nümayəndəsi Stiv Uitkoff bu həftəsonu Almaniyanın paytaxtı Berlin şəhərində Ukrayna, Almaniya, Fransa və Böyük Britaniya liderləri ilə görüşəcək.
AzerVoice xəbər verir ki, əvvəlcə Ağ Ev bildirib ki, nümayəndə yalnız danışıqlar “vaxt itirməyə dəyər” olarsa göndəriləcək.
Stiv Uitkoff ilə yanaşı, Donald Trampın kürəkəni və müşaviri Cared Kuşner də Avropa liderləri və Ukrayna prezidenti Volodimir Zelenski ilə görüşlər keçirəcək.
Görüşlərin dəqiq vaxtı açıqlanmayıb, lakin gözlənilir ki, 14 və 15 dekabr tarixlərində Uitkoff Almaniya, Fransa və Böyük Britaniya nümayəndələri ilə danışıqlar aparacaq.
Görüşlərin əsas mövzusu Ukraynadakı sülh danışıqlarıdır.