BAKI, AzerVoice

BMT Təhlükəsizlik Şurası bu gün, cümə günü İrana tətbiq edilən sanksiyaların daimi olaraq qaldırılmaması barədə qərar qəbul edib.

AzerVoice xəbər verir ki, şura üzvləri iclas zamanı 2015-ci il nüvə sazişi çərçivəsində ləğv edilmiş sanksiyaların yenidən bərpası üçün nəzərdə tutulan “snap-back” (mexanizmə avtomatik qayıdış) prosesinin qarşısını almaq məqsədi daşıyan qətnamə layihəsini qəbul edə bilməyiblər.

Böyük Britaniya, Fransa və Almaniya avqust ayında Təhlükəsizlik Şurasına göndərdikləri məktubda İranın nüvə proqramı ilə bağlı “snap-bak mexanizmi”ni işə salmaq üçün 30 günlük prosedura başladıqlarını bildirmişdilər.

“Avropa troikası” adlanan bu üçlük, İrana qarşı ittihamları – yəni Tehranın 2015-ci ildə dünya gücləri ilə imzaladığı və nüvə silahı hazırlamasının qarşısını almağa yönəlmiş sazişə əməl etməməsini əsas gətirərək bu addımı atıb. Həmin sazişə görə, BMT-yə İrana qarşı sanksiyaları bərpa etmək imkanı verən xüsusi prosedur nəzərdə tutulub.

Əgər tərəflər “İranın ciddi öhdəlik pozuntusu” ilə bağlı ittihamları həll edə bilməsələr, Təhlükəsizlik Şurasının 15 üzvü arasında bu mexanizmin işə salınması gündəmə gələcək. İndiki mərhələdə qətnamə layihəsi qəbul olunmadığından, sentyabrın sonlarında – yəni 30 günlük müddət bitdikdə – BMT-nin bütün sanksiyaları avtomatik olaraq İrana yenidən tətbiq olunacaq. Əks halda, Təhlükəsizlik Şurası əlavə tədbirlər görməli olacaq.