BAKI, Azervoice
Çində çikungunya virusuna yoluxma 7 mini keçib — təhlükə davam edir.
Azervoice xəbər verir ki, Çinin Quandun əyalətinin Foşan şəhərində çikungunya virusuna yoluxma halları artaraq 7 min nəfəri ötüb.
Səlahiyyətlilər infeksiyanın yayılmasının qarşısını almaq üçün tədbirlərin gücləndirildiyini bildiriblər.
Foşanda son beş gündə yoluxma artım sürətinin zəiflədiyi, xüsusilə ən çox təsirlənən Şunde bölgəsində hadisələrin azalmasının müşahidə olunduğu qeyd edilib. Lakin əlverişsiz hava şəraiti səbəbindən Quangdongda ağcaqanadların aktivliyinin artması təhlükənin hələ də davam etdiyini göstərir.
Qeyd edək ki, Ümumdünya Səhiyyə Təşkilatına görə, ağcaqanad dişləməsi ilə keçən çikungunya virusu yüksək qızdırma və oynaq ağrılarına səbəb olur. Nadir hallarda ölümcül olan xəstəliyə qarşı iki təsdiq edilmiş peyvənd mövcuddur.