BAKI, AzerVoice
Bu il humanitar büdcələrdəki kəskin azalmaya görə təxminən 11,6 milyon qaçqın və digər məcburi köçkünlər Birləşmiş Millətlər Təşkilatının (BMT) yardımından məhrum qala bilər.
AzerVoice xəbər verir ki, bu barədə BMT-nin Qaçqınlar üzrə Ali Komissarlığıniın (UNHCR) verdiyi bəyanatda deyilir.
Qurumun son hesabatına görə, bu rəqəm ötən il dəstək verilmiş ümumi insan sayının üçdə birinə bərabərdir.
Hesabatda məcburi köçkünlərin sayının artması, maliyyə resurslarının azalması və beynəlxalq siyasi iradənin zəifləməsinin daha böyük humanitar böhranlara yol aça biləcəyi barədə xəbərdarlıq edilib.
Məlumat üçün bildirək ki, UNHCR 14 dekabr 1950-ci il tarixində BMT-nin tərkibində yaradılmış və əsas məqsədi dövlətlərin tələbi və ya BMT-nin öz təşəbbüsü ilə qaçqınları himayə etmək və dəstəkləmək, onların öz ölkələrinə qaytarılması, üçüncü ölkələrə köçürülməsi və lokal inteqrasiyasını təmin etmək olan beynəlxalq təşkilatdır.