BAKI, AzerVoice
Ukrayna Prezidenti Volodimir Zelenski Fransa Prezidenti Emmanuel Makronla telefon danışığı apararaq, Ukraynanın hava hücumundan müdafiə imkanlarının gücləndirilməsi, SAMP/T sistemləri üçün raketlərin tədarükü və dron-perehvatçiklərin maliyyələşdirilməsi məsələlərini müzakirə edib.
AzerVoice xəbər verir ki, bu barədə Ukrayna Prezidentinin mətbuat xidməti məlumat yayıb.
Danışıq zamanı tərəflər Ukrayna Silahlı Qüvvələri üçün pilotların Fransada hazırlanması ilə bağlı razılığa gəliblər. Fransa Prezidenti Makron yeni ukraynalı pilotların təlimə cəlb olunmasını dəstəklədiyini təsdiqləyib.
“Ukraynanın raket əleyhinə müdafiəsinin möhkəmləndirilməsi, xüsusilə SAMP/T sistemləri üçün raketlərin tədarükü və dron-perehvatçiklərin maliyyələşdirilməsi müzakirə olundu” – deyə Zelenskinin açıqlamasında qeyd olunub.
Qeyd edək ki, Zelenski daha əvvəl Ukraynanın sabiq müdafiə naziri və İstanbul danışıqlarında iştirak etmiş nümayəndə heyətinin rəhbəri Rustem Umerova Rusiya ilə danışıqların fəallaşdırılması və Qərb ölkələrindən silah tədarükünün sürətləndirilməsi ilə bağlı göstəriş verib.