BAKI, AzerVoice
Filippində 5,8 bal gücündə zəlzələ baş verib – Sunami təhlükəsi yoxdur.
AzerVoice xəbər verir ki, Filippinin
şimalındakı İlokos Norte əyalətində 5,8 bal gücündə zəlzələ qeydə
alınıb.
Zəlzələ Caqayan, İlokos Sur, İzabela və Abra əyalətlərində də hiss
olunub.
Filippin Vulkanologiya və Seysmologiya İnstitutunun məlumatına görə, yerli vaxtla saat 10:30-da baş verən zəlzələnin episentri Pasuquin qəsəbəsindən təxminən 29 kilometr şimal-qərbdə olub. Yeraltı təkanlar 27 kilometr dərinlikdə qeydə alınıb.
Hazırkı məlumata görə, zəlzələ nəticəsində tələfat və ciddi maddi ziyan baş verməyib. Həmçinin sunami xəbərdarlığı da elan olunmayıb.
Qeyd edək ki, Filippin Sakit Okean “Alov halqası”nda yerləşir və yüksək seysmik aktivliyə malik ölkələrdən biridir. Ölkə tez-tez güclü zəlzələlərlə qarşı-qarşıya qalır.