BAKI, AzerVoice
Bazar ertəsindən etibarən ABŞ Prezidenti Donald Trampın administrasiyası ABŞ-a mal idxal edən ölkələrə idxal rüsumlarını göstərən məktublar göndərməyə başlayacaq.
AzerVoice xəbər verir ki, bu barədə Axios portalı məlumat yayıb.
Məlumata görə, bazar ertəsi günü təxminən 12 məktub göndəriləcək.
Tramp hansı ölkələrin bu məktubları alacağını və konkret rüsum dərəcələrinin nələr olacağını açıqlamayıb.
Bundan əvvəl, Tramp bəyan etmişdi ki, məktublarda göstərilən tariflər avqustun 1-dən qüvvəyə minəcək və bəziləri 70 faizə qədər yüksələ bilər.
Qeyd edək ki, Tramp 2 aprel tarixində 185 ölkədən idxal olunan mallara rüsumları artırmış, lakin bir həftə sonra bu qərarın qüvvəsini 90 gün müddətinə yəni iyulun 9-a qədər dayandırmışdı. Həmin 85 gün ərzində ABŞ Böyük Britaniya, Çin və Vyetnam ilə üç ticarət sazişi imzalamışdı.
May ayının ortalarında isə Tramp bildirmişdi ki, artıq sazişlərə ehtiyac yoxdur – onun yerinə ABŞ ticarət tərəfdaşlarına birbaşa rüsum dərəcələrini göstərən məktublar göndərəcək.