BAKI,
AzerVoice
Afina yaxınlığında yanğın- Bəzi yaşayış məntəqələri təxliyə
edilib.
AzerVoice xəbər verir ki, Yunanıstanın paytaxtı Afinanın cənub-şərqində yerləşən Koropi bölgəsində baş verən güclü meşə yanğınları səbəbilə bəzi yaşayış məntəqələri ehtiyat tədbiri olaraq boşaldılıb.
Yunanıstan Dövlət Televiziyası ERT-nin məlumatına görə, bu gün günorta saatlarında açıq ərazidə başlayan yanğın sürətlə genişlənərək yaşayış sahələrinə yaxınlaşıb. Mülki Müdafiə Nazirliyi tərəfindən əhaliyə "təcili" kodlu SMS mesajları göndərilib və vətəndaşlardan ərazini dərhal tərk etmələri istənilib.
Yanğının qarşısını almaq üçün həm havadan, həm də qurudan yanğınsöndürmə qrupları səfərbər olunub. Lakin ərazidə əsən güclü külək alovun yayılmasını sürətləndirir və söndürmə işlərini çətinləşdirir.
Qeyd edək ki, Yunanıstan yay aylarında tez-tez güclü meşə yanğınları ilə üzləşir və bu, regionda ciddi təhlükə mənbəyinə çevrilib.