BAKI, AzerVoice

Bəzi Avropa liderləri Tramp administrasiyası ilə bağlı məsləhət istəyib.

AzerVoice xəbər verir ki, ABŞ-ın keçmiş prezidenti Co Bayden bəzi Avropa liderlərinin hazırkı prezident Donald Tramp administrasiyası ilə bağlı narahatlıqlarını bölüşdüklərini və ondan məsləhət istədiklərini bildirib.

Bu barədə Bayden Wall Street Journal-a verdiyi açıqlamada danışıb.

Bayden İnsan Resurslarının İdarə Edilməsi Cəmiyyətinin (SHRM) təşkil etdiyi konfransda çıxışı zamanı bildirib ki, prezidentliyi dövründə ölkənin bir çox sahəsində dəyişikliklərə çalışsa da, son vaxtlar bu dəyişikliklərin sürətlə geri alındığını müşahidə edir. O, xüsusilə NATO-nun onun dövründə əhəmiyyətli dərəcədə gücləndiyini vurğulayıb.

"Avropada bəzi liderlər mənə zəng edib məsələlərə qarışmağımı istəyirlər. Mən bunu edə bilmərəm, amma onlara məsləhət verirəm", – deyə Bayden bildirib.

O, həmçinin ABŞ-ın dünya səhnəsindəki rolunun zəifləməsinin ciddi risklər yaradacağını qeyd edərək, qlobal balans və təhlükəsizlik baxımından bu amilin nəzərə alınmalı olduğunu vurğulayıb.

Qeyd edək ki, Co Bayden 2020-ci ildə Demokratlar Partiyasının prezidentliyə namizədi seçilib və 2020-ci ilin noyabrında keçirilən seçkilərdə ABŞ-ın 46-cı prezidenti olub.