BAKI, AzerVoice
27 iyun 2025-ci il tarixində Belarusun paytaxtı Minskdə Ali Avrasiya İqtisadi Şurasının növbəti toplantısı keçirilib.
AzerVoice xəbər verir ki, toplantı Belarus Prezidenti Aleksandr Lukaşenkonun sədrliyi ilə keçirilib.
Görüşdə Qazaxıstan Prezidenti Kasım-Jomart Tokayev, Özbəkistan Prezidenti Şavkat Mirziyoyev, Qırğızıstan Prezidenti Sadır Japarov, Rusiya Prezidenti Vladimir Putin, Kuba Prezidenti Migel Dias-Kanel (müşahidəçi qismində), İran Prezidenti Məsud Pəzeşkian (videobağlantı ilə) və Avrasiya İqtisadi Komissiyasının Kollegiya sədri Baqıtjan Sağıntayev də iştirak ediblər.
Həmçinin Abu-Dabi vəliəhd şahzadəsi Şeyx Xalid bin Nəhyan, Monqolustan Baş nazirinin birinci müavini Nam-Osorın Uçral və MDB Baş katibi Sergey Lebedev də qonaq qismində sammitdə yer alıblar.
Sammitin gündəliyində çoxşaxəli ticarət-iqtisadi əməkdaşlığın genişləndirilməsi, sənaye kooperasiyası layihələrinin dəstəklənməsi və əməkdaşlıq üzrə prioritet istiqamətlərdə birgə proqramların həyata keçirilməsi məsələləri yer alıb.
