BAKI,AzerVoice
Ukrayna Prezidenti Volodimir Zelenski ölkəsinin müdafiə sənayesinin ildə 8 milyon pilotsuz uçuş aparatı (PUA) istehsal etmək potensialına malik olduğunu bildirib. Lakin bu imkanların tam reallaşması üçün maliyyə vəsaiti çatışmır.
AzerVoice xəbər verir ki, bu barədə Zelenski Haaqada keçirilən Müdafiə Sənayesi Forumunda çıxışı zamanı danışıb.
“Ukraynanın müdafiə sənayesi artıq 35 milyard dollarlıq istehsal gücünə malikdir. Bu potensial təxminən 1000 adda hərbi texnikanı – artilleriya sistemlərindən tutmuş qabaqcıl dronlara, müasir döyüş vasitələrinə və raket texnologiyalarına qədər – əhatə edir”, – deyə prezident vurğulayıb.
Zelenski qeyd edib ki, bu potensialın təxminən 40 faizi maliyyə çatışmazlığı səbəbindən tam istifadə olunmur.
“Məsələn, biz ildə 8 milyon dron istehsal etmək imkanına malikik. Amma mövcud maliyyə resursları ilə bu rəqəm xeyli aşağı düşür.”-deyə o bildirib.