BAKI, AzerVoice

İsrail ordusu İrandan ölkə ərazisinə atılan raketləri aşkarladığını bildirib.

AzerVoice xəbər verir ki, İranın raket hücumları nəticəsində İsraildə yerləşən Weizmann Elmi İnstitutu ciddi zərər görüb. İsrail və İran arasında qarşılıqlı hücumlar davam edir. İsrailin energetika naziri Israel Koen bildirib ki, İsraildə dağılan hər bir bina üçün Tehranda və ümumilikdə İranda 100 bina dağıdılacaq. İranın gecə həyata keçirdiyi cavab hücumları nəticəsində İsraildə həyatını itirənlərin sayı 8-ə yüksəlib.

ABŞ-ın sabiq prezidenti Donald Tramp vəziyyətə münasibət bildirərək qeyd edib ki, İran bu müharibəni qazana bilməz və çox gec olmadan danışıqlar masasına oturmalıdır.

Xatırladaq ki, İsral Hərbi Hava Qüvvələri iyunun 13-də İran ərazisinə hava zərbələri endiriblər. Zərbələr nəticəsində çoxlu sayda yüksək səviyyəli hərbçi, o cümlədən İran Silahlı Qüvvələri Baş Qərargah rəisi Məhəmməd Baqeri, İran İslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb. İran BMT Təhlükəsizlik Şurasının hadisə ilə əlaqədar fövqəladə iclas keçirməsini istəyib.