BAKI, AzerVoice
Cənubi Koreyada keçirilən prezident seçkilərində Mühafizəkar "Vətəndaş Gücü" partiyasının namizədi Kim Mun Su rəqibi Li Çzyo Myonun qələbəsini qəbul edib.
AzerVoice xəbər verir ki, bu barədə məlumatı ölkənin YTN telekanalı yayıb.
"Xalqın seçimini təvazökarlıqla qəbul edirəm. Seçilmiş prezident Li Çzyo Myonu təbrik edirəm" - deyə, namizəd mətbuat konfransında bildirib.
Qeyd edək ki, Li Çzyo Myon müxalif "Toburo" Demokrat Partiyasının namizədi idi. O, tərəfdarlarına müraciətində prezident seçkilərində böyük ehtimalla qalib gələcəyini bildirmişdi.
87 faiz bülletenin sayılmasına görə, Li Çzyo Myon seçicilərin 48,3 faizinin səsini toplayıb, Kim Mun Su isə 42,7 faiz dəstək əldə edib. Ümumilikdə 30,7 milyon bülleten işlənib.