BAKI, AzerVoice
Rusiya və Ukrayna mümkün atəşkəsin ilə bağlı öz baxışlarını ətraflı şəkildə təqdim etmək barədə razılığa gəliblər.
AzerVoice xəbər verir ki, bu barədə İstanbulda Ukrayna ilə danışıqlardan sonra jurnalistlərə açıqlamasında Rusiya nümayəndə heyətinin rəhbəri, Rusiya Prezidentinin köməkçisi Vladimir Medinski məlumat verib.
"Biz razılaşdıq ki, hər bir tərəf mümkün atəşkəslə bağlı öz baxışını təqdim edəcək və bunu detallı və yazılı şəkildə ifadə edəcək" – deyə, o bildirib.
Qeyd edək ki, bugün Rusiya ilə Ukrayna arasında İstanbulda keçirilən sülh danışıqları başa çatıb.