BAKI,AzerVoice
Ukrayna Prezidenti Volodimir Zelenski, Papa Fransiskin dəfn mərasimindən əvvəl ABŞ Prezidenti Donald Tramp ilə Roma şəhərində görüşüb.
AzerVoice xəbər verir ki, bu barədə Ukrayna Prezidentinin sözçüsü Serhiy Nikiforov məlumat verib.
Məlumatın yayımlandığı vaxtda görüşün təfərrüatları barədə əlavə məlumat verilməyib. Bununla yanaşı, Zelenski vida mərasimində iştirak edib və həyat yoldaşı Yelena ilə birlikdə mərasimə qatılıb.
25 aprel axşamı Zelenski, Papa Fransiskin dəfninə qatılmaqla bağlı fikirlərini bölüşüb və bu tədbirdə iştirak etməmək ehtimalını da istisna etməyib.
Həmçinin, jurnalistlərin Tramp ilə görüşün olub-olmaması ilə bağlı suallarına cavab verməyib.
26 aprel səhəri Zelenski həyat yoldaşı və Ukraynanın Xarici İşlər Naziri Andrey Sibigoyla birlikdə Roma şəhərinə gəlib. Zelenski bildirib ki, dəfndə iştirak etmək Ukrayna üçün çox vacibdir.