BAKI, AzerVoice
ABŞ Ukrayna münaqişəsinin əsas səbəblərinə diqqət yetirməyə çalışır, bu isə Avropa ölkələrindən fərqli bir yanaşmadır.
AzerVoice xəbər verir ki, Rusiya Xarici İşlər naziri Sergey Lavrov bu fikirləri Müstəqil Dövlətlər Birliyinə (MDB) üzv ölkələrin Xarici İşlər Nazirləri Şurasının iclasından sonra jurnalistlərə açıqlamasında səsləndirib.
“Biz görürük ki, Avropadan fərqli olaraq, ABŞ bu günkü vəziyyətin əsas səbəblərini tamamilə görməzlikdən gəlmir. ABŞ-da problemin mahiyyətinə varmaq istəyi müşahidə olunur” – deyə Lavrov qeyd edib.
Nazir əlavə edib ki, ABŞ prezidenti Donald Tramp dəfələrlə ictimai şəkildə Ukraynanın NATO-ya cəlb olunmasını səhv addım kimi dəyərləndirib. Lavrovun sözlərinə görə, Tramp bu addımın Moskvanın illərdir etdiyi xəbərdarlıqlara baxmayaraq atıldığını və bunun mövcud böhranın formalaşmasında həlledici rol oynadığını vurğulayıb.
Lavrovun bu bəyanatı, Rusiya ilə Qərb arasında Ukrayna mövzusunda davam edən gərginlik fonunda səsləndirilib.