Bakı, AzerVoice
Avstriyada 6,4 milyon seçicinin iştirak edəcəyi sabah keçiriləcək olan parlament seçkisində ifrat sağçı Avstriya Azadlıq Partiyasının (FPÖ) birinci olacağı gözlənilir.
AzerVoice xəbər verir ki, səsvermə ölkə üzrə yerli vaxtla saat 06.00-dan 17.00 -a qədər davam edəcək.
9 partiya və 3 siyasi quruluşun mübarizə aparacağı seçkidə 4 min 700 namizəd 183 yer üçün mübarizə aparacaq.
Seçicilər arasında aparılan sorğuya görə ifrat sağçı FPÖ 27 faiz, iqtidarın əsas ortağı mərkəz sağçı Avstriya Xalq Partiyası (ÖVP) 25 faiz, Sosial Demokrat Partiyasının (SPÖ) 21 faiz iqtidardakı kiçik ortaqları Yaşıllar Partiyasının və liberal Yeni Avstriya Partiyasının (NEOS) isə 9 faiz səs alması gözlənilir.
Ölkədə ilk dəfə ümumi seçkilərdə ifrat sağçı partiyanın birinci olacağı gözlənilir.
