Bakı, AzerVoice
Hindistanın Ali Məhkəməsi, Yeni Dehli administrasiyası və Hindistan şirkətlərinin İsrailə silah ixracını dayandırması üçün edilən müraciəti rədd edib.
AzerVoice xəbər verir ki, bu barədə Hindistan Ali Məhkəməsi bəyanat yayımlayıb.
Bəyanatda bildirilib ki, Hindistan hökumətinə silahların heç bir ölkəyə ixrac edilməməsi ilə bağlı göstəriş vermək Ali Məhkəmənin səlahiyyətlərini aşır.
Açıqlamada bunun xarici siyasət sahəsinə aid məsələ olduğu, konstitusiyaya uyğun olaraq xarici işlərlə bağlı səlahiyyətin hökumətə aid olduğu bildirilib.
Xatırladaq ki, sentyabrın 4-də aralarında bəzi diplomatların da olduğu 11 nəfər İsrailin Qəzzada soyqırım törətdiyini əsas gətirərək Yeni Dehli administrasiyası və Hindistan şirkətlərinin Tel-Əvivə silah ixracının dayandırılması üçün Ali Məhkəməyə müraciət etmişdi.
Hafiz Rufizoğlu