Bakı, AzerVoice
İngiltərənin İsrailə silah satışına etiraz olaraq Britaniyanın Dublindəki diplomatı Mark Smit istefa verib.
AzerVoice xəbər verir ki, Smit istefa məktubunu X hesabında paylaşıb. Məktubda “Britaniya Xarici İşlər Nazirliyi müharibə cinayətinin ortağıdır” ifadəsinə yer verilib.
Smith məktubda hərbi cinayətlərdə iştirak edən bir dövlət qurumunda işləyə bilməyəcəyini deyib.
O əvvəl də nazirliyin Yaxın Şərq və Şimali Afrikaya silah ixracı lisenziyaları ilə bağlı bölməsində çalışdığını bildirib.
"Hər gün İsrailin Qəzzada törətdiyi hərbi cinayətlərin və beynəlxalq insan hüququn pozulmasının şahidi oluruq. İsrail hökumətinin və ordusunun aparıcı simaları açıq şəkildə soyqırım niyyətlərini nümayiş etdirir, mülki əraziləri qəsdən yandırır, talan edir, əsrlərə işgəncə və təcavüz etdiklərini açıq şəkildə etiraf edirlər", -deyə o məktubunda bildirib.
Məktubunda universitetlər və evlər kimi mülki strukturların dağıdıldığını, humanitar yardımların qarşısının alındığını və Qəzzada təhlükəsiz yer qalmadığını bildirən Smit, “Qırmızı Xaç təcili yardım maşınlarına hücum edilir, məktəblər və xəstəxanalar müntəzəm olaraq hədəfə alınır. Bunlar müharibə cinayətləridir”,- deyə əlavə edib.
İngiltərənin İsrailə silah satışına davam etdiyini bildirən Smit, "İngiltərənin İsrailə silah satması heç bir şəkildə haqq qazandırıla bilməsə də, bir şəkildə silah satışı davam edir. Bunu rəsmi araşdırma da daxil olmaqla qurumun bütün səviyyələrində dilə gətirdim. "Təşəkkür edirik, narahatçılığınızı qeyd etdik" sözündən başqa heç bir qarşılıq almadım",- deyə sözlərinə əlavə edib.
Smith, İngiltərə rəsmilərinin silah satışı ilə bağlı "dünyanın ən şəffaf ixrac lisenziya sisteminə sahibik" iddialarının doğru olmadığını deyib.
Smit digər nazirlik işçilərini də narazılıqlarını bildirməyə çağırıb.
Smitin istefasına Birləşmiş Millətlər Təşkilatının (BMT) Fələstin üzrə xüsusi məruzəçisi Françeska Albanese də dəstək verib."Ümid edirəm ki, digər diplomatlar da Mark Smitin cəsarətli yolu ilə gedəcək və İsrail vəhşiliyinə şərait yaradanlara qarşı çıxacaq"-deyə o X hesabında paylaşım edib.
Qeyd edək ki, BBC müxbirləri tərəfindən Smitin istefa ərizəsinin imzasında “Terrorla Mübarizədə İkinci Katib” yazıldığı bildirilir.
