Bakı,AzerVoice

İtaliyanın cənubundakı Etna vulkanı gecədən səhərə qədər yenidən püskürərək ətrafa kül və lava səpib.

AzerVoice xəbər verir ki, Etnadakı vulkan püskürmələri səbəbiylə Kataniya Fontanarossa Hava Limanına eniş etməli olan bəzi təyyarələrin yaxınlıqdakı Palermoya istiqamətləndirildiyi, bəzi uçuşların isə gecikdirildiyi bildirilib.

İtaliya Milli Geofizika və Vulkanologiya İnstitutuna (INGV) bağlı Etna Rəsədxanasının paylaşdığı məlumata görə, 2021-ci ildən bəri heç bir püskürmə müşahidə olunmayan Etnanın hündürlüyü vulkanik fəaliyyətlər nəticəsində dəniz səviyyəsindən yuxarı qalxıb.

Etnadakı Voragine kraterinin hündürlüyünün yığılmış lava səbəbindən 3 min 369 metrə çatdığı və hündürlüyü 3 min 347 metr olan cənub-şərq kraterini keçdiyi bildirilib.

Qeyd edək ki, Etna vulkanı Avropa qitəsinin ən yüksək vulkanıdır. Hazırda onun hündürlüyü 3357 m-dir, lakin zirvədəki püskürmələr səbəbindən bu hündürlük zaman-zaman dəyişir. 1190 km² ərazini əhatə edir və əsas çevrəsi 140 km-ə çatır. Etna İtaliyadakı üç ən böyük vulkandan biridir.