Bakı. AzerVoice:

Türkiyənin Prezidenti Rəcəb Tayyib Ərdoğan Ümumdünya Tütünsüz Günü və Ətraf Mühit Həftəsi Proqramında gənclərlə görüşündə siqaret aludəliyinə qarşı mübarizəylə bağlı mühüm mesajlar verib.

AzerVoice xəbər verir ki, bu barədə o Vəhdəddin Köşkündə baş tutan görüş zamanı danışıb. Ərdoğan çıxışı zamanı Türkiyədə hər il 85 min insanın siqaretə bağlı xəstəliklərdən öldüyünü vurğulayıb. Görüşdə 15 yaşlı britaniyalı yeniyetmə Edvard Smit Birləşmiş Krallıqda 2009-cu ildən sonra doğulmuş insanların siqaret və elektron siqaretləri almasını qadağan edən və bu yaxınlarda qüvvəyə minən qanundan danışıb.

Gəncin çıxışından sonra Ərdoğan bu məsələdə lazım gələrsə Böyük Britaniya ilə işbirliyi edə biləcəklərini qeyd edib.

"Qəlyan çox məşhurdur və qəlyan istifadəsi ilə bağlı indi bir çox yerdə qadağalar gətirmişik. Çox təəssüf ki, bu kimi məhsullar gənclərimizi zəhərləyir amma biz qəlyan çəkilməsinə qarşı mübarizə aparırıq və daha müsbət nəticələr əldə edəcəyimizə inanıram” - deyə o çıxışına əlavə edib.