Bakı. AzerVoice:

Cənubi Koreya və Şimali Koreya arasında davam edən balon müharibəsinin ardınca rəsmi Seul sərhəddə yerləşdirilmiş nəhəng səsgücləndiricilərlə Şimalın əleyhinə propoqandaya davam edəcəyini bildirib.

AzerVoice xəbər verir ki, iki ölkə arasında bir müddətdir davam edən balon müharibələri gərginliyi artırıb.

Cənubi Koreya Şimala qarşı yeni bir addım atmaq üçün şuranı toplayıb. Görüşdən sonra verilən açıqlamada, “Atacağımız tədbirlər Şimali Koreya rejimi üçün dözülməz olsa da, Şimali Koreyanın əsgərlərinə və xalqına ümid və işıq mesajı göndərəcək” ifadələri yer alıb.

Cənubi Koreyanın Milli Təhlükəsizlik Şurası, Pxenyanın sərhəddən zibil daşıyan şarlar göndərməyə davam etməsindən sonra cavab olaraq Şimali Koreyaya səsgücləndiricilərlə cavab verməyə başlayacağını və bunun Kim Jong Un rejimi üçün “dözülməz” olacağını bildirib.

Qeyd edək ki, Şimali Koreyadan qaçanlardan formalaşan Azad Şimali Koreya Döyüşçüləri (FFNK) kimi tanınan bir qrup ölkəni tənqid etmək üçün keçən ay Cənubi Koreyadan Şimali Koreyaya 20 şar göndərmişdi.

FFNK Qrupunun sədri Park Sanq-hak balonlarda Pxenyan administrasiyasını tənqid edən 300 min vərəqə və K-Pop məzmunlu 2 min USB kartının olduğunu bildirib.