Bakı. AzerVoice:
Sudanda, Çevik Dəstək Qüvvələrinin paytaxt Xartumun Umdurman bölgəsində artilleriya bombardmanı nəticəsində 40 nəfər həyatını itirib.
AzerVoice xəbər verir ki, bu barədə Sudandakı Kereri Müqavimət Komitələrindən verilən açıqlamada qeyd edilib.
Açıqlamada bombardmanda ölənlərin sayının 40-a yüksəldiyi, 50-dən çox yaralının olduğu, ölən və yaralananların sayının arta biləcəyi bildirilib.
Xatırladaq ki, Vətəndaş Müqavimət Komitələri iyunun 5-də ölkənin mərkəzi hissəsində Cəzirə vilayətinin Ved en-Nora kəndinə ÇDQ-nin hücumları nəticəsində 100-dən çox insanın həyatını itirdiyini bildirib.
Hafiz Rufizoğlu