Bakı,AzerVoice
Yerli fəallar Sudan Çevik Dəstək Qüvvələrini (HDK) dünən (çərşənbə axşamı) Cəzirə əyalətinin (Mərkəzi Sudan) Vad en Nura kəndinə hücum edərək ən azı 100 nəfəri öldürməkdə ittiham ediblər.
AzerVoice xəbər verir ki ,Çevik Dəstək Qüvvələri dekabr ayında Cəzirə kənd təsərrüfatı əyalətinin paytaxtı Vad Mədənini nəzarətə götürdükdən sonra əyalətdəki kəndlərə çoxsaylı hücumlara başlayıb.
Sudan Vətəndaş Müqavimət Komitələri kimi tanınan demokratiya tərəfdarı qrup çərşənbə günü axşam saatlarında sosial şəbəkədə yaydığı bəyanatda deyib: “Vad an Nura kəndi... Cəzirə əyaləti bu gün, çərşənbə... Soyqırımın şahidi olub. Çevik Dəstək milisləri kəndə iki dəfə hücum edib və yüzə yaxın şəhidimiz var”.
Sudan Suverenlik Şurası öz bəyanatında beynəlxalq ictimaiyyəti və insan haqları təşkilatlarını cinayətləri qınamağa və ifşa etməyə və terrorçu HDK milislərini məsuliyyətə cəlb etməyə çağırıb.
Sudan ordusu ilə HDK arasında toqquşmalar 2023-cü ilin aprel ayının ortalarında iki tərəf arasında həftələrlə davam edən gərginlikdən sonra başlayıb.
