Bakı. AzerVoice:
BMT-nin 50-dən çox eksperti İsrailə silah embarqosu tətbiq etməyə çağırıb.
AzerVoice xəbər verir ki, BMT-nin bir qrup eksperti İsrailin Rafahdakı çadır düşərgəsində sığınan ən azı 45 fələstinlinin ölümü ilə nəticələnən hücumdan dolayı dərin qəzəb hissi keçirdiklərini bildiriblər və "həlledici beynəlxalq addım" atmağa çağırışı ediblər.
“Sahədən gələn hesabatlar göstərir ki, hücumlar fərq qoyulmadan və qeyri-mütənasib bir şəkildə həyata keçirilib, insanlar yanan plastik çadırların içərisində çarəsiz qalıb və dəhşətli insan tələfatına səbəb olub”, - deyə məlumatda bildirilir.
Bu “barbar hücumların” müharibə qanunlarını ciddi şəkildə pozduğunu bildirən ekspertlər beynəlxalq ictimaiyyətin İsrailin Qəzzaya hücumlarını dayandırmamasından dərin məyusluq hissi keçirdiklərini bildiriblər.
Mütəxəssislər Rəfahdakı hücumla bağlı müstəqil təhqiqatın aparılmasını, həmçinin İsrailə qarşı dərhal sanksiyaların və silah embarqosunun tətbiq edilməsini tələb ediblər.
İsrail başda ABŞ olmaqla Qərb dövlətlərindən intensiv silah və hərbi texnika dəstəyi alır.
