Bakı, AzerVoice

Biz sülh sazişi istəyirik və bu saziş qalıcı olmalıdır.

AzerVoice xəbər verir ki, bu sözlər NATO-nun baş katibi Mark Ruttenin verdiyi açıqlamada öz əksini tapıb.

Rutte, bugün Londonda keçiriləcək müdafiə və təhlükəsizlik iclasından bir neçə saat əvvəl nikbinliyini ifadə edərək müzakirələri yönləndirəcək üç əsas prioriteti vurğulayıb.

Böyük Britaniyanın baş naziri Kir Starmerin ev sahibliyi edəcəyi iclasda, Rusiya-Ukrayna müharibəsindəki son hadisələr və Avropanın təhlükəsizlik məsələləri geniş şəkildə müzakirə olunacaq.

Rutte, X sosial şəbəkəsində paylaşdığı açıqlamada, Ukraynanın Rusiya təcavüzünə qarşı müdafiəsində davamlı və artan dəstəyə ehtiyac olduğunu xüsusi olaraq vurğulayıb.

O, həmçinin Avropa ölkələrini NATO-nun gücünü və hazırlığını qorumaq üçün müdafiə xərclərini artırmağa çağırıb.

"NATO-nu güclü saxlamaq üçün Avropa müdafiə xərclərini artırmalıdır", – deyə Rutte bildirib.

Qeyd edək ki, Türkiyənin xarici işlər naziri Hakan Fidan, bazar günü Londonda keçiriləcək Ukrayna toplantısında Prezident Rəcəb Tayyib Ərdoğan adından iştirak edəcək.

Fidanın, ABŞ Prezidenti Donald Trampın təklif etdiyi son danışıqlara yönəlmiş təşəbbüs də daxil olmaqla, Rusiya-Ukrayna müharibəsinin əsas aspektləri ilə bağlı fikir mübadiləsi aparması gözlənilir.