Bakı, AzerVoice

ABŞ-ın keçmiş prezidenti Co Bayden səlahiyyət müddətinin bitməsinə son dəqiqələr qalmış, ailə üzvləri də daxil olmaqla 8 nəfərə amnistiya elan etdiyini açıqlayıb.

AzerVoice xəbər verir ki Ağ Ev tərəfindən verilən açıqlamaya görə, Bayden iki qardaşı və bir bacısı da daxil olmaqla 5 ailə üzvünü əfv etdiyini bildirib.

Bayden, ailə üzvlərinin ona zərər vermək məqsədilə siyasi hücumlara məruz qaldığını və onlara əfv etmək hüququnun konstitusiya çərçivəsində olduğunu vurğulayıb. O, bu əfvlərin ailə üzvlərinin günahkar olduqları və ya səhv etdikləri anlamına gəlmədiyini qeyd edib və belə bir addımın, onlara qarşı yönəlmiş siyasi motivli araşdırmaların həyatlarına ciddi təsir etdiyini bildirib.

Keçmiş prezident həmçinin, vəzifəsindən getdikdən sonra ailəsinə edilən hücumların sona çatacağına inandığını bildirib. Bayden bu addımı, xüsusən də mühakimə olunan şəxslərin və ailələrinin reputasiyasına və maliyyələrinə ciddi zərər verə biləcəyini nəzərə alaraq atıb.

Əlavə olaraq, Bayden səlahiyyət müddətinin son günlərində başqa bir neçə şəxsi də əfv edib. Onlar arasında Cerald G. Lundergan, Ernest William Cromartie və Leonard Peltierin cəzaları yer alır. Bayden, 12 dekabr 2024-də də COVID-19 pandemiyası zamanı həbsdən çıxan və ev dustaqlığına buraxılan 1500-ə yaxın şəxsin də cəzasını yüngülləşdirmişdi.

Oğlu Hunter Bayden ilə bağlı da Bayden əfv səlahiyyətindən istifadə edərək onun məsələsini həll etməyə çalışdığını, lakin prosesin respublikaçılar tərəfindən siyasiləşdirildiyini iddia edib.