Bakı,AzerVoice

Amerika Birləşmiş Ştatları (ABŞ) Rusiyanın Ukraynadakı müharibədə istifadə etmək üçün İrandan ballistik raketlər aldığını və İranın Moskvaya silah tədarükündə rol oynayan gəmi və şirkətlərə qarşı yeni sanksiyalar elan etdiyini bəyan edib.

AzerVoice xəbər verir ki, Böyük Britaniyanın xarici işlər naziri David Lammy ilə mətbuat konfransı keçirən ABŞ-ın xarici işləir naziri Antoni Blinken Vaşinqtonun İran tərəfindən İrana ballistik raketlər verməsinin gərginlik yaradacağı ilə bağlı xəbərdarlıq edib.

“Rusiya indi bu ballistik raketlərin göndərişini alıb və çox güman ki, onları bir neçə həftə ərzində Ukraynaya qarşı istifadə edəcək”,- deyə Blinken bildirib.

ABŞ daha sonra İrandan Rusiyaya silah daşınmasında iştirak etdiyini iddia etdiyi doqquz gəmini müəyyən edib.

Qeyd edək ki, İran daha əvvəl Rusiyanın Ukraynada istifadə etdiyi “Shahed” pilotsuz uçuş aparatlarını tədarük etmişdi, lakin Rusiyaya ballistik raketlər verməsi ilə bağlı iddiaları rədd etmişdi.

İran Xarici İşlər Nazirliyinin sözçüsü Nasser Kanaani bu xəbərləri Qərbin İsrailə hərbi dəstəyini gizlətməyə yönəlmiş təbliğat kimi qiymətləndirib.

Fransa, Almaniya və Böyük Britaniya İranla hava əlaqəsi müqavilələrini ləğv etdiklərini açıqlayıblar. Bu üç ölkə İran Air aviaşirkətinə və İranın ballistik raket proqramında iştirak edənlərə və Rusiyaya silah tədarükünə qarşı sanksiyalar tətbiq edəcəyinə söz verib.

İngiltərə İrana qarşı sanksiya siyasəti çərçivəsində yeddi, Rusiyaya qarşı isə sanksiya siyasəti çərçivəsində üç yeni sanksiya qərarı qəbul etdiyini açıqlayıb.