Bakı, AzerVoice

American Foreign Affairs jurnalı İsrailin məhv etmə və şiddət yoluna girməklə sionizmin sonunu gətirəcəyini deyib.

AzerVoice xəbər verir ki, Foreign Affairs jurnalında İsraili tənqid edən məqalə paylaşılıb.

Çıxan məqalədə İsrailin getdikcə insan haqlarından uzaqlaşaraq daha teokratik və ifrat sağçı ölkəyə çevrildiyi vurğulanıb.

Jurnalda İsrailin bu gedişlə sionizmin sonunu gətirəcəyi deyilib.

İlan Baron və İlai Saltzmanın yazdığı məqalədə Netanyahunun öz ölkəsini təhlükəyə atdığı bildirilib.

Həmçinin radikal yəhudilərin siyasi arenada getdikcə gücləndiyi və radikal fikirlərin cəmiyyətədə yayıldığı ifadə edilib.

İsrailin İordan çayının qərb sahilində törətdiyi qətillərdən bəhs edən jurnal Sde Teiman həbsxanasında məhbuslara qarşı tətbiq edilən cinsi işgəncələrə diqqət çəkib.

Belə ki, bu cinayəti törədənlərin saxlandığı yerlərə israillilər tərəfindən basqın edilərək onların cəza almadan sərbəst buraxılması tələb edilib.

İnsanların getdikcə qanundan üstün olmağa başladığı deyilib, ölkənin marginallaşdığı vurğulanıb.

Qeyd edək ki, məqalədə beynəlxalq hüququ tapdaladığı üçün İsrailin təcrid olunmuş bir ölkəyə çevriləcəyi bildirilib.

Həmçinin dövlət siyasətinin və idarəçilərin dəyişdirilməsinin vacibliyi vurğulanıb.