Bakı, AzerVoice

Human Rights Watch bildirib ki, HƏMAS-ın hərbi qanadı, Qəssam Briqadaları və ən azı dörd digər Fələstin silahlı qrupları “7 oktyabr 2023-cü ildə İsrailin cənubuna hücum zamanı mülki şəxslərə qarşı çoxsaylı hərbi cinayətlər və insanlıq əleyhinə cinayətlər törədiblər”.

AzerVoice xəbər verir ki, HRW bəyanatında qeyd olunur ki,  mülki əhaliyə və mülki obyektlərə qarşı qəsdən və ayrı-seçkilik etmədən hücumlar, həbsdə olan şəxslərin qəsdən öldürülməsi, qəddar və digər qeyri-insani rəftar, cinsi zorakılıq, girov götürmə,cəsədlərin şikəst edilməsi və talan edilməsi müharibə cinayəti hesab edilir.

Buna cavab olaraq HƏMAS Human Rights Watch-dan hesabatını geri götürməsini və üzr istəməsini tələb edib.

“Human Rights Watch”un hesabatı yalnız birtərəfli və İsrail leyhinədir. HRW bəyanatı, araşdırma metodundan və neytral hüquqi mövqedən uzaqdır və daha çox İsrailin təbliğat sənədinə bənzəyir” –deyə HƏMAS bəyanatında bildirilir.

Qeyd edək ki, HRW-nin 230 səhifəlik hesabatında yalnız 7 oktyabr hücumlarına yer verilib və Qəzzada sonrakı müharibə zamanı HƏMAS və ya İsrailin etdiyi hərəkətləri araşdırmır. Belə ki, Qəzza Səhiyyə Nazirliyinin məlumatına görə, müharibə başlayandan bəri İsrailin Qəzzaya quru hücumları və bombardmanları nəticəsində 38,400-dən çox insan həlak olub.