Bakı,AzerVoice

Türkiyə Ankaranın terror qruplaşması kimi tanıdığı Kürdüstan Fəhlə Partiyasına (PKK) İranın münasibətindən narazılığını bildirib. AzerVoice xəbər verir ki, Türkiyənin müdafiə naziri Yaşar Gülər müsahibədə məyusluğunu ifadə edərək, İranın mövqeyini qınayıb.

Gülərin sözlərinə görə, Türkiyə iranlı həmkarlarını PKK-nın hərəkət trayektoriyaları barədə məlumatlandırıb,lakin İran qeyd olunan kordinatlarlarda terrorçuların olmadığını bildirib.

Türkiyə PKK-nın sığınacaqlarını məhv etmək məqsədi ilə Şimali İraqda terrorçulara qarşı hücumlarını davam etdirəcəyinə söz verib.

Gülər Türkiyənin sığınacaqlarında terrorçuları hədəf almağa və məhv etməyə yönəlmiş strategiyasını dəyişdiyini bildirib.

Gülər PKK-nın İraq, Suriya və İranı əhatə edən terror fəaliyyətləri həyata keçirdiyi Şimali İraqda uzun müddətdir mövcudluğunu vurğulayıb.

Türkiyə qüvvələrinin təxminən altı ildir Şimali İraqda davam edəh hava hücumu nəticəsində, PKK-nın bir çox keçmiş qərərgahı dağıdılıb. Bununla belə, Gülər qeyd edib ki, terrorçular hələ də İraqın şimalında Süleymaniyyədə sərbəst hərəkət edirlər.

Türkiyə ordusunun İraqın şimalında “Pəncə-Kilit” əməliyyatı çərçivəsində keçirdiyi əməliyyatlara gəlincə, Türkiyənin müdafiə naziri İraq rəsmilərinin PKK-ya münasibətinin dəyişdiyini bildirin və bunu alqışlayıb.