BAKI, AzerVoice

Misirin məqsədi öz imkanlarını və istehsalını artırmaqdır, ölkənin mübarizəsi birbaşa dollarla deyil, tələblərimizi qarşılamaq üçün lazım olan dollar çatışmazlığına qarşıdır.AzerVoice xəbər verir ki, bunu Misir prezidenti Əbdülfəttah Əl Sisi deyib. O qeyd edib ki, əhalinin artması və kənd təsərrüfatı istehsalının azalması fonunda Misir idxal ehtiyacını ödəmək üçün artan tələblərlə üzləşir.

"İndi 120 milyon nəfərin tələblərindən danışırıq. Məqsədimiz öz gücümüzü və resurslarımızı artırmaqdır," deyə Əl-Sisi bildirib, əlavə edərək qeyd edib ki, əvvəllər kifayət edən buğda və qarğıdalı artıq ölkənin ehtiyaclarını ödəmək üçün yetərli deyil.

Əl-Sisi həmçinin, ölkənin idxal xərclərini azaltmaq üçün göstərdiyi səyləri vurğulayıb, bunu "strateji hədəf" adlandıraraq, dollar tələbi ilə ölkənin xarici valyuta xərcləri arasındakı fərqi bağlamağa çalışdıqlarını qeyd edib.

O, bildirib ki, Misir hər il neft idxalı ehtiyaclarını qarşılamaq üçün 20 milyard dollar tələb edir.

"Dövlətin 10 milyon ton buğda, 13 milyon ton qarğıdalı, soya, yemək yağı və digər vacib məhsullara ehtiyacı var. Misir 1950-ci illərdə bu problemlərlə qarşılaşmırdı, çünki dollar və xarici valyutaya olan tələbat daha az idi”-deyə o əlavə edib.

Əl-Sisi bildirib ki, 1970-ci ilə qədər borc almayan Misir, 1967-ci il müharibəsi və Yəmən müharibəsindən sonra borclanmağa başlayıb.

“Nəticədə, ölkənin borcu əhəmiyyətli dərəcədə artaraq 1989 və 1990-cı illərdə 100 milyard dollardan çox olub”-deyə ölkə prezidenti qeyd edib.

Əl-Sisi, yalnız terrorizmlə mübarizəyə 120-130 milyard misir funtunun xərcləndiyini və bu vəsaitin inkişaf məqsədləri üçün deyil, ölkəni qorumaq və mövcud olan təhdidlərə qarşı möhkəmlətmək məqsədilə ayrıldığını vurğulayıb.