BAKI,VOA,Yusif Şərifzadə
Qəzza zolağının Səhiyyə Nazirliyi İsrailin hərbi əməliyyatları nəticəsində ölən və yaralananlarla bağlı son statistik məlumatları açıqlayıb.
VOA xəbər verir ki, nazirliyin yaydığı gündəlik məlumata əsasən, son 24 saat ərzində beş nəfər həlak olub, yeddi nəfər yaralanıb. Bundan əlavə, daha üç nəfərin öldüyü təsdiqlənib və iki nəfərin meyiti dağıntılar altından çıxarılıb.
Nazirliyin məlumatına görə, müharibənin başlanğıcından indiyədək İsrailin hücumları nəticəsində həlak olanların sayı azı 73 min 98 nəfərə, yaralananların sayı isə 173 min 571 nəfərə çatıb.
Bildirilib ki, ötən ilin oktyabr ayında atəşkəs qüvvəyə mindikdən sonra da hücumlar davam edib. Həmin dövrdən etibarən azı 1 072 nəfərin öldüyü, 3 463 nəfərin isə yaralandığı qeyd olunub.