BAKI,VOA,Yusif Şərifzadə
Hizbullahın baş katibi Naim Qasım İsrailin Livanda hər hansı atəşkəs pozuntusuna qarşı cavab veriləcəyini bildirib.
VOA xəbər verir ki, o bu açıqlamanı son çıxışında səsləndirib.
Qasım qeyd edib ki, İsrail qüvvələrinin Livanda qalması mümkün deyil və onlar sonda ölkəni tərk etməli olacaqlar.
O, Hizbullahın mövcud atəşkəs rejiminə əməl etdiyini, lakin İsrail tərəfindən hər hansı pozuntu olarsa, buna cavab veriləcəyini vurğulayıb.
Açıqlama İsrail rəsmilərinin atəşkəsə baxmayaraq Livanda əməliyyat sərbəstliyinin olduğunu bildirməsi fonunda verilib.