BAKI,VOA,Yusif Şərifzadə

HƏMAS İran və ABŞ arasında əldə olunan razılaşmanı müsbət qiymətləndirərək sənədin Qəzza və Livandakı hərbi əməliyyatların dayandırılmasına töhfə verəcəyinə ümid etdiyini açıqlayıb.

VOA xəbər verir ki, təşkilat yaydığı bəyanatda razılaşmanın bölgədəki bir sıra mühüm məsələlərə müsbət təsir göstərə biləcəyini bildirib.

HƏMAS qeyd edib ki, ilk növbədə Qəzza zolağında fələstinlilərə qarşı davam edən hərbi əməliyyatların dayandırılması vacibdir.

Bəyanatda Livana qarşı həyata keçirilən hücumların və digər cəbhələrdəki qarşıdurmaların sona çatmasının da mühüm əhəmiyyət daşıdığı vurğulanıb.

Təşkilatın fikrincə, bölgədə təhlükəsizlik və sabitliyin təmin olunması davam edən münaqişələrin aradan qaldırılmasından asılıdır.

HƏMAS hesab edir ki, qarşıdurmaların davam etməsi Yaxın Şərqdə uzunmüddətli sülhün əldə olunmasını çətinləşdirir.

Bəyanatda həmçinin siyasi və diplomatik həll yollarının ön plana çıxarılmasının vacibliyi qeyd olunub.

Təşkilat yeni razılaşmanın bölgədə gərginliyin azalmasına və sabitliyin güclənməsinə töhfə verəcəyinə ümid etdiyini bildirib.