BAKI,VOA Yusif Şərifzadə
ABŞ Dövlət Departamentinin sözçüsü Tommi Piqott bildirib ki, İsrail ilə Livan arasında qüvvədə olan “atəşkəs” daha 45 gün müddətinə uzadılıb.
VOA xəbər verir ki, Piqottun sözlərinə görə, qərar ABŞ vasitəçiliyi ilə İsrail və Livan nümayəndələri arasında iki gün davam edən “çox məhsuldar” danışıqlardan sonra qəbul edilib.
O qeyd edib ki, iyunun 2-3-də siyasi istiqamətli danışıqlar yenidən keçiriləcək, mayın 29-da isə Pentaqonda İsrail və Livan hərbi nümayəndələrinin iştirakı ilə “təhlükəsizlik xətti” üzrə yeni müzakirələr başlanacaq.
Piqott əlavə edib ki, ABŞ bu danışıqların iki ölkə arasında davamlı sülhün, qarşılıqlı suverenlik və ərazi bütövlüyünün tanınmasının, həmçinin ortaq sərhəddə real təhlükəsizliyin təmin olunmasına töhfə verəcəyinə ümid edir.