BAKI,VOA, Nailə Babazadə
Bəhreyn ordusunun sosial media hesabından verilən məlumata görə, ölkənin hava hücumundan müdafiə sistemləri son bir sutka ərzində İrandan atılan 8 pilotsuz uçuş aparatını (PUA) havada məhv edib.
VOA xəbər verir ki, ordunun açıqlamasında qeyd olunur ki, müdafiə sistemləri İrandan gələn "hücum dalğalarına" qarşı tam hazır vəziyyətdə gözləyir.
Müharibənin başladığı gündən etibarən Bəhreyn səmalarında İrana məxsus ümumilikdə 188 raket və 453 PUA-nın zərərsizləşdirildiyi bildirilir. Bu göstəricilər regiondakı hərbi gərginliyin miqyasını bir daha ortaya qoyur.
İran tərəfi ABŞ və İsrailin hücumlarına cavab olaraq fevralın 28-dən bəri Bəhreyn də daxil olmaqla 7 ərəb ölkəsində yerləşən ABŞ hərbi bazalarını və strateji əhəmiyyətli nöqtələri raket və PUA-larla hədəf almağa davam edir. Bəhreyn ordusu bu təhdidlərə qarşı teyakkuz vəziyyətini qoruyur.