BAKI,VOA, Fərid Mikayılov
İraqın Xalq Səfərbərlik Qüvvələri son 24 saat ərzində ABŞ və İsrail tərəfindən iki dəfə zərbəyə məruz qaldığını açıqlayıb.
VOA xəbər verir ki, hücumlar Ninəva əməliyyat komandanlığına bağlı qüvvələri hədəf alıb. Son zərbənin səhər saatlarında həyata keçirildiyi bildirilib.
Qurumun açıqlamasında qeyd olunub ki, hücumlar nəticəsində insan tələfatı qeydə alınmayıb.
Ekspertlər vurğulayır ki, sözügedən qüvvələr İraq ordusunun tərkibində fəaliyyət göstərsə də, bəzi briqadalarının İranla əlaqəli olması regionda hərbi gərginliyin artmasına səbəb olur.