DƏMƏŞQ, VOA
Suriya Dövlət Neft Şirkəti İraqdan gələn ilk yanacaq karvanlarının At-Tənf sərhəd-keçid məntəqəsi vasitəsilə ölkə ərazisinə daxil olduğunu və Baniyas neft emalı zavoduna doğru hərəkət etdiyini elan edib.
VOA xəbər verir ki, rəsmi məlumata görə, texniki qruplar yanacağın xüsusi çənlərə boşaldılması prosesinə artıq başlayıblar.
Bu proses İraq yanacağının Baniyas neft terminalına nəql edilməsi və oradan ixrac üçün nəzərdə tutulmuş dəniz tankerlərinə yüklənməsi məqsədilə həyata keçirilir.
İraq yanacağının Suriya limanları vasitəsilə dünya bazarına çıxarılması regionda enerji logistikası baxımından mühüm addım hesab olunur.Baniyas neft terminalı bu prosesdə əsas qovşaq rolunu oynayır və İraqın ixrac imkanlarını Aralıq dənizi sahillərinə qədər genişləndirir.