BAKI,VOA
Səudiyyə Ərəbistanı cümə günü Livandakı vətəndaşlarına müraciət edərək, bu ölkədəki mövcud vəziyyəti nəzərə alaraq onları ərazini dərhal tərk etməyə çağırıb.
VOA xəbər verir ki, Səudiyyə Ərəbistanının Beyrutdakı səfirliyi vətəndaşlardan Livana səfər qadağası qərarına ciddi şəkildə əməl etmələrini tələb edib. Diplomatik nümayəndəlik hazırda Livan Respublikasında olan vətəndaşları baş verən hadisələrin fəsadlarını və təhlükəsizlik risklərini nəzərə alaraq ölkəni təcili şəkildə tərk etməyə səsləyib.
Səfirlik "X" (keçmiş Twitter) sosial platformasındakı rəsmi hesabı vasitəsilə yaydığı bəyanatda hər hansı fövqəladə hal baş verərsə, vətəndaşların dərhal səfirliklə əlaqə saxlamasının vacibliyini qeyd edib.
Bu xəbərdarlıq regionda hərbi gərginliyin artması və Livanın daxili sabitliyinin ciddi təhlükə altında olduğu bir vaxtda verilib. Səudiyyə Ərəbistanının bu addımı digər Körfəz ölkələrinin də bənzər qərarlar qəbul edə biləcəyinə işarədir.