BAKI, VOA, Nailə Babazadə
Küveyt Milli Qvardiyası ölkənin şimal və cənubundakı məsuliyyət zonalarında 6 pilotsuz uçuş aparatının (PUA) vurularaq salındığını elan edib.
VOA xəbər verir ki, Küveyt Milli Qvardiyasının sözçüsü, briqada generalı Cadan Fazıl Cadan sosial media hesabı vasitəsilə verdiyi açıqlamada, xüsusi əhəmiyyət kəsb edən bölgələrdə 6 PUA-nın zərərsizləşdirildiyini təsdiqləyib. General Cadan bu addımın ölkənin təhlükəsizliyini artırmaq, həyati əhəmiyyətli obyektləri qorumaq və potensial təhdidlərin qarşısını almaq məqsədi daşıdığını qeyd edib.
Küveyt Müdafiə Nazirliyindən verilən rəsmi məlumata görə, ölkə ərazisinə ümumilikdə 238 raket və ən azı 430 PUA hücumu həyata keçirilib. Nazirlik bildirib ki, xüsusilə ölkənin şimal və cənub bölgələrində intensivləşən bu hücumların böyük bir hissəsinin qarşısı uğurla alınıb.