BAKI,AzerVoice, Nailə Babazadə
Səudiyyə Ərəbistanının Kralı Salman bin Əbdüləziz Əl Səud Qətərin FIFA Ərəb Kuboku 2025-i uğurla təşkil etməsi münasibətilə bu ölkənin Əmiri Şeyx Təmim bin Həməd Əl Taniyə təbrik teleqramı göndərib.
AzerVoice xəbər verir ki, Kral Salman teleqramında Qətər Əmirinə ən səmimi təbriklərini və davamlı inkişafla yanaşı yeni uğurlar arzulayıb. O, həmçinin Qətər Dövlətinin hökumətinə və xalqına sabit tərəqqi və rifah diləklərini çatdırıb. Bu barədə Səudiyyə Mətbuat Agentliyi (SPA) məlumat yayıb.
Eyni zamanda, Səudiyyə Ərəbistanının vəliəhdi və baş naziri Şahzadə Məhəmməd bin Salman bin Əbdüləziz Əl Səud da Şeyx Təmim bin Həməd Al Taniyə təbrik teleqramı ünvanlayaraq Qətərə davamlı inkişaf, hökumətinə və xalqına isə rifah və tərəqqi arzulayıb.