BAKI, AzerVoice

ABŞ Donanmasının Xüsusi Əməliyyatlar Qüvvələri tərəfindən həyata keçirilən əməliyyat nəticəsində həbs olunan bir Pakistanlı, Yəməndəki husilərə silah qaçaqmalçılığı etməkdə ittiham olunur.

AzerVoice-un məlumatına görə, 49 yaşlı Məhəmməd Bəhlevan, ötən ilin yanvar ayında dənizdə həyata keçirilən əməliyyat nəticəsində ABŞ tərəfindən həbs edilən dörd nəfərdən biri idi. Bu əməliyyat zamanı iki ABŞ hərbi qulluqçusu həlak olmuşdu.

Virciniya ştatında keçirilən məhkəmədə federal hakim, Bəhlevanı terrorçulara maddi dəstək vermək, İranın nüvə silahı proqramını dəstəkləmək və partlayıcı maddələrin daşınması üçün sui-qəsd etməkdə günahkar hesab etdi.

Məhkəmə qərarı sentyabrın 22-də veriləcək. O, ən ağır ittihamlar üzrə 20 il həbs cəzası ilə üzləşir.

Məhkəmə sənədlərinə əsasən, Bəhlevan, SEPAH (İran İnqilab Keşikçiləri Korpusu) ilə əlaqəli iki iranlı qardaşla birgə, İranın silahlarını Husilərə çatdırırdı.

O, ABŞ Xüsusi Əməliyyatlar Qüvvələrinin üzvlərinin gəmiyə minməsi zamanı həmin gəminin kapitanı idi.

Gəmidə, husilərin ticarət gəmiləri və ABŞ hərbi gəmilərinə hücumlar zamanı istifadə etdiyi raketlərin bənzəri olan İran istehsalı olan balistik raketlər və “Kruiz” tipli gəmi əleyhinə raketlər aşkar edilib.

Qeyd edək ki, husilər, 10 ildən artıq müddətdir Yəmənin geniş hissələsini işğal ediblər və 2023-cü ilin noyabr ayında, İsrail ilə HƏMAS arasındakı müharibənin başlamasından bir neçə həftə sonra, Qırmızı Dəniz və Ədən Körfəzində gəmiləri hədəf almağa başladılar.

Onlar İsrailə aid olduğu iddia edilən gəmilərə hücumlar həyata keçirərək, bunların Qəzza və Fələstin xalqına dəstək məqsədilə olduğunu vurğulamışdılar.

Ötən il yanvarın 11-də keçirilən əməliyyatda isə ABŞ-ın elit qüvvələrinin iki üzvü itkin düşüb və onlardan heç bir iz tapılmadığı üçün öldükləri elan edilib.