Bakı, AzerVoice

İsrail Daxili Kəşfiyyat Təşkilatı Şin-Bet (Şabak) rəhbəri Ronen Bar, İordan çayının qərb sahilində məskunlaşan israillilərin fələstinlilərə və onların mülklərinə hücumları səbəbiylə milli təhlükəsizliyin çökə biləcəyi ilə bağlı xəbərdarlıq edib.

AzerVoice xəbər verir ki, Ronen Bar İsrailin baş naziri Binyamin Netanyahuya İordan çayının qərb sahilindəki təhlükəsizlik vəziyyəti ilə bağlı məktub göndərib.

"İordan çayının qərb sahilində məskunlaşmış israillilər tərəfindən törədilən cinayətlərin artması, insidentlərin başlanmasına və milli təhlükəsizliyin çökməsinə səbəb olacaq", - deyə Bar deyib

Ana müxalifət lideri və keçmiş baş nazir Yair Lapid, Barın Netanyahuya təqdim etdiyi məktubu “gələcək fəlakətlə bağlı son xəbərdarlıq” kimi qiymətləndirib.

Lapid Netanyahu hökümətini "fəlakətlərin hökuməti" adlandırıb və Netanyahu hökümətinə edilən xəbərdarlıqla bağlı məlumatlı olduqlarını deyib.

Qeyd edək ki, İsrail hərbi rəsmiləri avqustun 18-də israillilərin fələstinlilərə qarşı zorakılıqlarının artdığı barədə xəbərdarlıq etmişdi.

Xatırladaq ki, İsraildə polis qüvvələri ifrat sağçı milli təhlükəsizlik naziri İtamar Ben-Qvirin rəhbərliyi altındadır.

Onu da əlavə edək ki, 7 oktyabrdan bu yana İordan çayının qərb sahili və Şərqi Qüdsdə İsrail əsgərləri və israillilərin hücumları nəticəsində 640 fələstinli qətlə yetirilmişdir.

Sözügedən bölgədə fələstinlilərə qarşı həbslər, basqınlar artmaqda davam edir.