Bakı,AzerVoice
Qətər əmiri Şeyx Təmim bin Həməd Əl-Tani bu həftə Fransa prezidenti Emmanuel Makronla danışıqlar aparmaq üçün Parisə səfər edəcək. AzerVoice xəbər verir ki, Əl-Taninin Fransa səfəri rəsmi vəzifəyə gəldikdən spnra ilk səfər olacaq.
Məlumata əsasən tərəflər Qəzzada atəşkəsi müzakirə edəcək.
Qeyd edək ki, İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 min fələstinli həlak olub, 70 min nəfər isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.
İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.
