Bakı. AzerVoice:
BMT Ümumdünya Ərzaq Proqramının işinin dayandırılması Qəzzanın şimalında vəziyyəti çətinləşdirəcək.
AzerVoice xəbər verir ki, bu barədə HƏMAS bəyanat yayıb.
"BMT Ümumdünya Ərzaq Proqramının yardımın paylanması üzrə səylərini dayandırması təhlükəli hadisədir”, - deyə açıqlamada qeyd edilib.
HƏMAS bəyanatda, həmçinin, Ərəb Liqası və İslam Əməkdaşlıq Təşkilatını Qəzza zolağında Fələstin xalqına qarşı blokadanı yarmağa çağırıb.
Qeyd edək ki, 20 fevral tarixində BMT-nin Ümumdünya Ərzaq Proqramı Qəzzanın şimalına ərzaq yardımının təhlükəsiz paylanmasına imkan verən şərtlər yerinə yetirilənə qədər yardımı dayandırmaq qərarına gəlib.