Bakı,AzerVoice

İranın xarici işlər naziri Hüseyn Əmir Abdullahyian Livanda müvəqqəti baş nazir Nəcib Mikati və Hizbullah lideri Seyid Həsən Nəsrullah ilə görüşlər keçirib.AzerVoice xəbər verir ki, İran XİN Rəhbəri baş nazri ilə görüşündə İsrailin Qəzzaya qarşı təcavüzünü dayandırmaq və bütün region ölkələri üçün ədalətli həll yollarını təmin etmək üçün bütün səylərin bir araya gəlməsinin zəruriliyini  vurğulayıb.

Məlumat üçün bildirək ki,oktyabrın 7-də İsrail və Qəzzada yerləşən Fələstin silahlı qruplaşması HƏMAS arasında müharibə başlayandan bəri Livan-İsrail sərhədində İsrail və HƏMAS-ın müttəfiqi olan Hizbullah arasında hər gün atışma müşahidə olunur.

İsrailin Livanın sərhəd kəndlərini dəfələrlə bombardman etməsi  nəticəsində, əksəriyyəti Hizbullah döyüşçüləri olmaqla 227 nəfəri, həmçinin üçü jurnalist də daxil olmaqla 27 mülki sakin həlak olub. İsrail ordusunun məlumatına görə, İsrail tərəfində, şimal sərhəd bölgəsində 9 əsgər və 6 mülki olmaqla 15 nəfər həlak olub.

Döyüşlər həmçinin sərhədin hər iki tərəfində on minlərlə sakini didərgin salıb.