Bakı. AzerPress:
Azərbaycanda səfərdə olan Türkiyənin Ticarət naziri Ömər Bolat MÜSİAD Azərbaycan ofisini ziyarət edib.
AzerPress-in məlumatına görə, görüşdə MÜSİAD Azərbaycanın idarə heyyətinin sədri Rəşad Cabirli, Türkiyənin Azərbaycandakı Fövqəladə və Səllahiyyətli səfiri Cahit Bağcı iştirak edib.
Görüş zamanı MÜSİAD Azərbaycanın fəaliyyəti haqqında məlumat verən Rəşad Cabirli, qurumun əsas vəzifələrindən birinində iki qardaş ölkə arasındaki qarşılıqlı ticarət və investisiya həcminin artırılması olduğunu bildirib.
Sədr eyni zamanda, MÜSİAD Azərbaycan tərəfindən ölkədə keçirilən önəmli tədbirlər haqqında nazirə məlumat verib.
Bolat MÜSİAD-ın Azərbaycandaki fəaliyyətini yüksək qiymətləndirib və qurumun iki ölkə arasında ticari əlaqələrin möhkəmlənməsində önəmli rola sahib olduğunu qeyd edib.
O vurğulayıb ki, iki ölkə prezidentlərinin apardığı uğurlu siyasət nəticəsində Azırbaycan-Türkiyə münasibətləri bütün sahələr üzrə yüksək səviyyədə inkişaf edir.
Qeyd edək ki, MÜSİAD-ın 81 ölkədə, 164 məntəqədə ümumilikdə 12 mindən çox üzvü, Türkiyədə isə 83 şöbəsi var. Bu il MÜSİAD 33 yaşını qeyd edib.
Əlavə olaraq bildirək ki, TurkicWorld (Türk Dünyası) media platforması MÜSİAD Azərbaycanın rəsmi media partnyorudur.
Xəbərlərimizi “WhatsApp” kanalımızdan oxuyun
